معايا أسئله جاوبوني عليها
ليه عايشين نظلم في الدنيا ؟
و ليه قاعدين نظلم بعضينا ؟
طب ليه الدنيا جايه علينا ؟
أدي اسئلتي جاوبوني عليها
او جاوبي يا دنيا انتي عليها
و انتي بقيتي ليه اسيا علينا ؟
ما تردي بسرعه يا دنيا علينا
خلصت اسئلتي جاوبي عليها
وسؤالي الأول صاحب قاعد يظلم صاحبه
و بيآسى عليه من غير اسباب
و ان جاله مرة صاحبه وعاتبه
يقول اهو كده من غير اسباب
و بينسى في لحظة كل ما بينهم
و بينسى العيش و الملح كمان
طب هو العيش و الملح هزار
وا لا ماعاد في الدنيا اصحاب
وسؤالي التاني
ليه قاعدين نظلم في الدنيا ؟؟؟؟؟؟
و الدنيا زمنا و عايشين فيه
فيه الفرح وفيه البؤس وراضين بيه
طب ليه قاعدين وبنظلم فيها ؟؟؟؟؟
وسؤالي الثالث
ليه بنقول الدنيا دي اسيا وجاية علينا ؟؟؟؟؟
و الله ما آسي غيرنا عليها
عايشين ع الدنيا بنظلم فيها
آو اللي يعارض نآسى عليه
طب قولوا ياناس انا اعمل ايه
عايش راضي بحالي انا فيها
أما الاسوه دي ظلم اصحاب
لما بيآسى الصاحب فجاءة
على اصحابه من غير اسباب
و تيجي تعاتبه يقول ......
أهو كده من غير اسباب
و كآن الدنيا بتاعته لوحده
أو مره عاش واياه اصحاب
قولولي يا ناس ده ظلم الدنيا
و لا ده ظلم يا ناس اصحاب
قولولي يا دنيا ليه قاعدين نظلم بعضينا ؟؟؟؟؟؟
مره نقول ده ظلم الدنيا
والدنيا دي اسيا يا خلق علينا
والا احنا ياناس واخدينها دي عافيه
وأياك تظلم لوحتى بكلمه
وان كان صاحبك أياك تحرجه
أصله ده صاحبك بينه وبينك حق عليك
وخللي بالك يا صاحبي عليه
ده اللي ما بينكم لقمة عيش
صون اللقمة وصون العشرة
لأجل يا صاحبي الحب يعيش
ويبقى لصاحبك حق عليك
والواجب عليك تخاف عليه
صاحبك بيحبك ويخاف عليك
قرب منه و اياك تبعد أوحتى تخونه
ده حتى السن مابينكم قريب
بس العبره مش بالسن
واللي مابينكم صداقة بريئة
صداقة كبيرة قايمة ياصاحبي أكيد ع الحب
و كمان تقدير أوعى تعاملو زي الغير
صاحبك عمرك مخلص ليك و يخاف عليك
و انت ضروري تخاف عليه
قولولي يا ناس ليه قاعدين نظلم بعضينا
وأحنا الحب ما بين أيدينا
وظلم الدنيا حرام علينا
بأيدينا نعيش حابين بعضينا
وحابين الدنيا وراضين بيها
يبقى الظلم حرام علينا
ليه قاعدين نظلم بعضينا ؟؟؟
وليه قاعدين نظلم في الدنيا ؟؟؟؟؟
وليه الدنيا دي جاية علينا ؟؟؟؟؟
واللاه ده الظلم حرام علينا
لازم نصلح من نفسينا
ونحب صحابنا ونخاف عليهم
لأجل صحابنا يحافظوا علينا
ونحب الدنيا علشان الدنيا
ترضى علينا
ونبطل نظلم فينا وفيها
ليه قاعدين نظلم بعضينا ؟؟؟؟
ليست هناك تعليقات:
إرسال تعليق