البحر سحره شدني
رجعلي ذكري من سنين
أيام ماكان بيحبني
وقلوبنا مصاحبها الحنين
كانت الدموع ساعة الفراق
والفرحه في ساعة اللقا
نبعد ونرجع بالأشواق
كانت القلوب متشوقه
أيه اللي غير قلبنا
لما بقينا قريبين
ماتقولي أنت ولا انا
ولا الهوا ولا السنين
ليه الصفا
يصبح جفا
و عنينا مش متشوقين
الضحكه فارقت الشفايف
وباحس أنك مني خايف
والحب بقي كداب وزايف
ماتقول ده ذنبك
ولا ذنبي
القسوه بين قلبك
وقلبي
تقدر تقولي
ده ذنب مين....
ليست هناك تعليقات:
إرسال تعليق