غنيّة ( باللهجة اللبنانية)
عمبتسمّع عالغنيّة و غمّضت عيوني
تخايلتِك إنتي بوجهي عيونِك بعيوني
تخايلت الدنيه حلوة من أوّل وجديد
و عمنرقص أنا وايّاكي عا هالغنّيّة
...
وينك شو صارت أخبارك
بتمنّى لو تتذكّريني...
شو اللي شاغلِّك فِكرِك
حتّى نسيتيني...
شواللي صار و عمبيصير
بعدي عنِّك شي تعتير
لو كان بإيدي لاقيكي
كِنت رجِعتلِّك
...
يا أميرة ال رِحتي عالماضي
ضهرتي من قصّة عالفاضي
والقصّة صارِت بغيابك
قصّه حزينِة
...
يا حلوِة ضاعِت بالغابِة
وغطّاها الليل...
بالغابة فتّشت عليكي
من مَيل لمَيل...
ضعتي و ضيّعتيني وراكي
و ما عاد في حيل...
باقي إسمع هالغنيِّة
و مضيّع دربي
بيتهيّألي إنِّك حدّي
و حا تبوسي خدّي
...
عدنان خليفة
2016
ليست هناك تعليقات:
إرسال تعليق