ورود الياسمين
==========
ورود الياسمين ناويه
تحلف ميت يمين
انى عاشقك من سنين
وانى على حبك أمين
وانى كنت دايما بيكى
من العشاق المتيمين
بس ياعمرى والله
كنتى فرحة السنين
كنتى ريحى عطر طاير
وموصلنى بشوقى للحنين
مش هانادى الا باسمك
وصورتك وعيونك العاشقين
مش هاخبى عليكى يا عمرى
انك صوره شوق ولهفه بأنين
وانى قلبى مشتاقلك ومحتاجلك
وبتمنى حضنك من سنين
وانى كل ما احاول اكتب لورده
تطلع لى صورتك وتقول خليك امين
الايدين مرعوشين
والصوابع مشدودين
والعيون مفتحين
مبهورين او مشددودين وملهوفين
وشغالين على نول الغزاليين
بيحكوا مره و يرسموا بالصوره
وعلى الحجر تحيه لايد النحاتين
بيقولوا لحبيبتى ان
عشقهم علم ملايين
مرتاحيين او تعبانين
كلنا لهفه لحب ومشتاقين
العيون سهرانين والقلوب
متوعده من الاف السنين
والميعاد فى كهف او معبد
اوحتى فى طلعة نهار
والمكان مشتاق يفوز
برؤيه المحبين من سنين
==============
بقلم///محمد العليمى////
ليست هناك تعليقات:
إرسال تعليق