قصيدة / ( إصرخى )
بقلمي / هدى سيد
٢٠١٦/١١/١٠
إصرخى بعلو الصوت
إكسرى صمت السكوت
قومى يالا م التابوت
واعلنى أنا مش هاموت
مش هاموت من حسرتى
لأ هافوق من صدمتى
مش هتلمح م النهاردة
دمعتى
إنت صحيح كنت السبب
ف كسرتى
لكن الحقيقة هى كانت
غلطتى
بإيديا سلمتك مفاتيح
قوتى
وكنت لك كتاب مفتوح
برغبتى
عرفتك حتى سر دموعى
وضحكتى
دخلتك جوه حاجز دنيتى
وسمحت لك بالتجول وسط
دهاليز وحدتى
سلمتك صورتى وألوانى
وفرشتى
ف دلقت لونك الإسود
على رسمتى
ومحيت جمالها وشوهت
البراءة ف بسمتى
وزرعت نشازك جوه أنغام
غنوتى
وكتمت صوتى ما بين
ضلوعى وشفتى
وقصاد عنيك جبتنى
و قعدتنى
ف إيديك مراية مكسرة
وصدمتنى
بصى يالا شوفى صورتك
وإكرهيها
وانسى نفسك اللى يوم
حبتيها
واكتبى جواكى جملة
واحفظيها
إنتى إنسانة كريهة
جوه نفسك أحفريها
هو ده كان الهدف
من البداية
كل حاجة حلوة فيا
تدوس عليها
ليست هناك تعليقات:
إرسال تعليق