مالك يابنت انتى::: فتحى طنطاوى
يابنت انتى مالك مدهوله
ولاداريه بحالك ايه جرالك
بالحب ابتليتى ولابناره انكويتى
لسه امبارح رمانك طارح
وبان ورد خدودك ونور
كمان احلويتى ووسطك اتدور
قوام لحقتى تعرفى تحبى
تعالى يانورعينى احكيلى
ايه غيرجالك ووردك دبلان
بشبك صياد على صيد
الغزلان اعتادباسم الحب
ويابنت ليه سلمتى قلبك للواد
دا الحب بزمنكم بقى كلمتين
زى الحلاوه بيتوزع لا لفين
بعدهم اها ووجع ودموع العين
راح الحب من كتر الكدابين
مات الحب بزمن البياعين
اتحرق بنارالغدر وجاهل معانيه
الحب يابنت عهدورباط قلببن
اخدوا عهد مع بعض مكملين
انفاس الحبيب بالبعد تونسك
لمست ايده من البرد تدفيك
نظره بعيونه عن الخلق تغنيك
ليه يابنت التعاسه بعنيك
لسه كتيرلم تعرفى بمشاعرك
تفرقى بين الحب والتهريج
هوصحيح حرفين لكن كاويين
منهم وبهم نفضل عايشين
كلنا للمحبوب شوق وحنين
هوصحيح حرفين لكن حلوين
الحب يابنت زى البحروالسفينه
بامواجه شمال يمين يطوحنا
لبرالامان موجه يودينا
وان غدر ببطنه يتاوينا
الحب بحرمالوعمق ولامينا
زى مايعجبه ياخد قلوبنا
وفى جنتة اوجحيمه يرمينا
جنته ونعيمه وجحيمه بادينا
وياحسره بيفوز بيه الافاقين
يتحرم نعيمه الاوفياء الصادقين
ليست هناك تعليقات:
إرسال تعليق