يابلاد
اهين واه يابلاد
ياللى قاتلتو الواد
مينا وجمال وجهاد
يافرحتى بحداد
نفسى اشوف النور
....... ....... ......... ...........
ولو العرب امجاد
محتله ليه بغداد
من شله الاوغاد
ولساكو لسه بعاد
عايش انا مكسور
..... ...... ...... ......... .........
واهين واااه ياشام
مات فيكى كام انسان
غريق ومات عطشان
من بلده كان طفشان
نفسه يعدى السور
............. ......... ....
واهين. اااه يامصر
امتا تعيشى النصر
كلاب وساكنه القصر
واحنا بيوتنا كسر
يا لعبه الدستور
........ ........ ........ ........ .........
يا دنيا ماشيه عكاس
ليه العرب تتنداس
راح العلام مالراس
اخوات ع الكراس
وكتابآ. بقا مهجور
.... .. ........ ...... ........ ..........
يارب ليك شكوتنا
حكومه خربت بيتنا
بالبطء بتموتنا
واحنا معتدش حيلتنا
كان نفسى اعيش مستور .
...... .... ........ ............ ..........
مرار وظلم وهل
وجع قلوب الكل
امه وشاربه المر
وتاه ما بينا الحل
وفاكرينا احنا فلول
.... ..... ..... ...... ..........
بقلم الشاعر /
عبدالفتاح عزت
ليست هناك تعليقات:
إرسال تعليق