ولسه
**********
ولسه بنحلم بطلوع روح صبيه
فى يوم جديد بشمس صافيه
ولسه بنسهر ويا النجوم
ونعدها ونطلب المدد من القمر
ولسه بنتعشم فى بيت جارنا
القديم يبعت ليا ساعة
رضا نظره مصحوبه بنسيم
ولسه عيونا متشوقه ومتعلقه
على بلكونة بنت الجيران
هجروا الحيطان والبيوت
انما لسه ساكنين فى الخيال
متربعين من زمان على الوداد
وناشرين لفساتين الخروج
ولسه بعد فاضل كام
دقيقه على ساعتى القديمه
واحدد الميعاد لخروج النسيم
ادام ابواب مدرسة البنات
الحنين مصاحبنى وبيتمنى
افوز بنظره للنجوم
البسمه من عيون الغزال
فى الصبح بتفرش ليا
طريق ورد وريحان
والعيون نور الطريق
معرفش عاشق رمشها ولا
الجنون صايب قلبى العجوز
مع انى عديت سن المراهقه
وشقاوة الشباب من زمان
انما لسه بحن لموعد بشوق
وضفاير وقميص المدرسه
والخوف كاسى على العيون
والغزل سايب مطرحه
ولسه الورده القديمه بعطرها
متغيرتش بمرورالسنين
===============
بقلم///////محمد العليمى////
ليست هناك تعليقات:
إرسال تعليق