،،،،حصاد البيادر،،،
قالو عني هيدا شخص كافر
لاني عم اكتب الحب والغرام
قلتلهن الكافر يلي بكون ناكر
الصداقه والألفه ومعنى السلام
انا ما سرقت ولا رح كون فاجر
وبغير الأدب ما رح قابل هالكلام
ورح ضل اكتب وخلي صوتي هادر
وباحضنانها اهدل متل زغلول الحمام
انا ما بقبل كون حدها عاصف وماطر
رح ضل ندا اسقيلها الورد والاكمام
ولبسمة شفافها ونورها رح ضل ناطر
تا يجف دمي وما يعود بحياتي احلام
انا عاشق انا هجري وميلادي معاصر
ما بعامل اميرتي الا بلطف واحترام
لانها فاكهة جنتي وهي حصاد البيادر
وبغير احضانها يا بشر ما بيحلى الكلام،،علي ناصر،،،
ليست هناك تعليقات:
إرسال تعليق