مشوار
قلتلّها إمشي تا نروح شي مشوار
قالتلي لحظة ياللّه أنا جاهزه
و بسرعة دغري حطِّت الماكياج
و ياي شو حلوين كانوا ثيابها
...
نزِلنا و بسرعة فتَحت الباب
ونطرتها تا سكّرتلّها بابها
وطلُعت مبسوط ورا الدركسيون
و بلّشت بأحلى مشوار كرمالها
...
كان الهوا عميلعب بشعراتها
والناس كانت مفتونه بجمالها
وأنا شايف حالي مع أحلى عروس
من وقت ما انضاف إسمي عا كتابها
...
و من ورا القزاز كنت شوف الناس
و شو شفت طرقات ومحلّات و بساتين
واتطلّع وإضحك مثل مجنون
فرحان معي أحلى منهم مجموعين
...
هيدا الحكي كان من سنين كتار
مشتاق نرجع نضهر سوا من جديد
وامسك أيدها كمان بعد مرّة
و تنام عا صدري وإلعبلها بالغرّة
و بعد مرّة يا ريت منكمّل المشوار.
...
عدنان خليفة
2016
ليست هناك تعليقات:
إرسال تعليق