مش عمصدّق
معقول بحبّك هلقد
وإنتي اللي عذّبتيني
معقول بحبّك عنجدّ
وإنتي اللي ناسيتيني
معقول اللي عمبيصير
يا حلوة كيّعتيني
...
مش عمصدّق إللي صار
مع إنّي عقلاتي كبار
واقع على راسي شكّ
و كثير بوضعي محتار
بصراحة بدّي قلِّك
بحبِّك جنّنتيني
...
وحياة ألله ما بدّي
تشتاق ليّي المخدّة
بدّي لمّا يصير الليل
حلمي لبعيد يودّي
وبدّي إتهنّى بالنوم
عمبسهر صار لي مدّة
...
بدّي ايّاكي و ما بدّي
إبعد عنِّك ولا لحظة
بدّي حبِّك كل الوقت
العيشة بلاكي مُرّة
بدّي اتصبّح فيكي
مبارح واليوم و بكرا.
....
عدنان خليفة
2016
ليست هناك تعليقات:
إرسال تعليق