الى كل امهات شهداء الوطن
نشاطركن الاحزان
يام الشهيد
***************
يام الشهيد اتبسمى
من عطر روحو اتنسمى
ابنك ياغاليه اطمنى
عايش وامله تسلمى
يام الشهيد اتبسمى
* * * * * * * * * * * *
حقك تغنى وتفرحى
ودموع عنيكى تمسحى
والحزن منك يستحى
والفرح ليكى ينتمى
يام الشهيد اتبسمى
* * * * * * * * * * * *
افتخرى ان ابنك بطل
ضحى وحلمه اكتمل
مع ان الحادث جلل
مايفرحوش يوم تندمى
يام الشهيد اتبسمى
* * * * * * * * * * * * * *
حقه ح ييجى ولا مناص
ومهما كان صعب المراس
ولحد مايحين القصاص
ها نقول ياراحه تحرمى
يام الشهيد اتبسمى
*************************
اطيب تمنياتى
السعيد اللفاف
ليست هناك تعليقات:
إرسال تعليق