( تمليك) ...

( تمليك) ...

عارض قلبي تمليك .. 

يا مين يقول : اتملك 

يا حلو فين أراضيك .. 

تمضي العقد وتتملك 

4 غرف بمنافعهم .. 

أنا نفسي فـ يوم .. أودِعهم 

لقلب كبير .. لحب كبير .. 

لا يخون العهد .. ولا يبعهم

ولا ارجع تاني .. اأجّر .. 

لحد تاني يتشطر

واكتب واقول ع الباب .. 

هنا مسكن الأحباب 

ونعيش سعادة وهَنا .. 

وأفضّله .. عن روحي أنا 

وازرع له قلبي ورود .. 

وأقوله : أنت الموعود

واحلفلو واديلو وعود .. 

ما اجيب له .. فـ يوم شريك 

عارض قلبي تمليك .. 

يا مين يقول: اتملك 

تمليك .. 

كلمات .. سعد المهدي