غصب عني

• 🎶
  🎺 غصب عني🎺🎶
  ايوه طيفك لسه شاغلني 
  كل كلمه كل همسه شارده مني
  لحن صوتك بيراسلني
  حتي صورتك بتكلمني
  وفي اليل خيالك بيآنسني
  زي الشجر بيضللني 
  وارضك وسمواتك بتحرسني
  زي العبير كان يخدني 
  ليه وليه منك تحرمني 
  طب سامحيني
  انا هسافر وبلاش تعرفيني
  لو قابلتك اعملي مش شايفاني
  ياه يا قلبك ده عزبني 
  وفي نار حبك كتير حرقني 
  بس انتي لسه عندي 
  لسه قلبك جواه حضني 
  فاكر لما كنت ليا تغني 
  لا مش انتي اتغيرتي
  بعد الحب ده تهدي
  سنين عمرنا وتقولي اتخدعتي
  لا انتي الي خونتي
  وعود وبدموعك رسمتي
  عهود وبايدك كتبتي
  بسرداب جواه فتحتي
  وبين الرمال نبضي دفنتي 
  ليه ظلمتي 
  ليه خليتي نور الشمس ميطلعشي
  حتي القمر عرف انك كدبتي
  وكان الوهم والشجن في الدنيا سفنتي
  لا سامحيني مش انتي 
  الي مشيت ليالي احكي عنكي 
  بين حروف اسمك كانت مدنتي 
  ايه تعبتي 
  صدقيني مش هسيبك تضعي مني
  مهما عملتي 
  مش هخونك لو لحبي خنتي 
  وفي سؤالي هتلاقي صمتي
  لو هشيلك علي كتافي انتي حبيبتي
  هعدي بيكي بحور الخوف دي رسلتي
  من كل ظالم حب يحطم قلبك وقلبي
  ايوه انتي قادره تصدي 
  ومن نار وجمر الاعادي راح تعدي
  عشان لسه انتي داري وجزيرتي
  يلا همي 
  اقفي وخلي علمك في سمائك يغني 
  يقول بلادي وترابك فداه دمي 
  اسحري الكون بحنينك ومن نيلك اتحني
  من ارضك وشعبك وفي حضنك ضمي 
  لسه الطير علي الشجر في عشه بيبني 
  طب ليه اهاجر وتهجري وانتي مني 
  انا المصري ابن البلد دي عرفتي 
  وان كان كلامي في عتاب ليكي 
  بحبك يامصر يابلدي
  سامحيني سامحيني
  ان كنت واخد علي خطري
  💔 غصب عني 💔
  بقلم 💗 ♥ الشاعر إيهاب الزيات♥
•