0). السجانين. (0
كمموا افواهنا سنين
وشوهوا كل الذكريات
واخرتها ال جايين
يكملوا علينا بالسكات
وصرخت قولت يا مين
ايه هيرجع اللفات
ولو قلنا اللي فات مات
هنلاقيهم تاني جايين
يخبو ويبيعوا كل الحاجات
رفعت راسي للمعين
يرحمنا و يكفرعن السيآت
من كام عام عايشين
بنلملم قوتنا من الفتات
وهما المتقوين السجانين
اكالين الدهب واللذات
حارمين الغلابة الشقيانين
وهما متمتعين بالاوقات
والمقهورين بيناموا عريانين
والدفاية بتلسع في البشاوات
والشتا بيعلن حرب البرد
وعملتوا ايه لغلابة الخرابات
والصيف فمارينا يا ملاعين
وناس عايشة مكبره الهامات
امتي تحسوا يا غرقانين
في اللهو والسهر ساعات
اعملوا خير في الفقرانين
هتلاقوه عند رب السموات
بقلم الشاعر.. عادل عباس.. المحلمي
ليست هناك تعليقات:
إرسال تعليق