《☆》 مرمريااااات 《☆》
《♤》حلم فى خيالي 《♤》
»»كنت ديمآ أقول يا يُما»»
»»فى نفسي حاجه بشتهيها »»
تقول نفسك فى إيه يابنتي _
قومي يﻻ روحي وهاتيها _
بشتهي حاجه فى بالي_
لونها رايح من خيالي_
طعمها مفارق لساني_
صوت فى ودني بسمعه _
صوت جﻻجل فرسه حره_
شخاليل خلخال صبيه_
وشم فى دقن الغجريه _
تنورات متلونه ف مولد يادنيا_
مولد يﻻ وصاحبه غايب_
فرع نور زينه وكهارب _
مراجيح تعلي بفرحه _
ايد بتمسك نجم عالى_
وعيون بيسكنها القمر_
مراجيح نازله برجفه_
حلم واقع تحت رجلين الخﻻيق_
»»وأرجع أقول تاني يايُما »»
»» فى نفسي حاجه بشتهيها »»
بشتهي أكون عروسه _
توبها من ضي القمر_
راكبه فوق ضهر الفرس_
ماسكه أيد زينه الشباب_
ضحكه صافيه جوه ف عيون الصحاب _
زفه بتلف البلد_
حاره...حاره......وعطفه ....عطفه _
زغروته بترج السحاب_
حنه بكفوف الصبايا _
بس جه وقت المطر .!!
راح معاه ضي القمر _
راحت الفرحه الكبيره _
سالت الحنه بكفي _
كف فاضي وحنه سايله _
نظره شارده ودمعه حايره _
من عنين زينه الشباب_
حلمه ضايع_
جيبه فاضي_
علم متعلق ف حيطه _
ورقه بيضا بختم اصلي_
كان دكتور وﻻ مهندس؟؟
كان بيدرس فلسفه ؟؟
وﻻ شهادته ترجمان ؟؟
راحت الفرحه الكبيره_
سالت الحنه بكفه _
كف فاضي..وحنه سايله_
حلمه ضايع_
جيبه فاضي_
آهه من قلبي بتخرج _
فيها دموع كل الصبايا_
فيها ضياع كل الشباب_
»»وأرجع أقول تاني يايُما»»
»» فى نفسي حاجه بشتهيها»»
وﻻ بﻻش ياأم الغوالي _
وﻻ بﻻش تاني راح أحلم_
يكفي أعيش حلم فى خيالي_
☆☆《♧》 امل مخيمر 《♧》☆☆
ليست هناك تعليقات:
إرسال تعليق