عدنان خليفة يكتب- حب ميت

حبّ ميّت
لمّا كان حبّ اتدفن
ليه الكلام ؟
ليه السطور؟
ليه الزهور؟
ما دام الدمع جاري
عالخدود
...
سابنا و مشي
من غير وداع
من غير كلام
حتّى الصلاة
من غير سماح
ما تتحسبش
...
أملي اللي راح
ما كانش حقيقي
ولا يتمسكش
وهم و خيال
شعر و جمال
ونظرات عيون
في يوم خدّاع
في يوم مجنون
...
انا عشت زمان
سهر و قمر
وكمان حكاوي 
وليل جميل.
وا الشمس تطلع
تصبّحني وانا فرحان
يآه...
قد إيه كنت بحبِّك
...
ده الوقت راح
الحب
و راح معاه
كلّ لحظة و كلّ حاجة كانت وايّاه
و بمشي
ف كلّ في خطوة في النهار
عايش قسى مهموه...
انا حبّي كان تايه
ولمّا اتمسك
حبسوه
برّا الحقيقة
ومات ف سلام