قصيدة بعنوان .... تفشيش .... بقلم ....
ألأديبه / ملك الاصفر
..........................
الراتب ما عم يكفي ....
وما عدنا نقدر نعيش ....
شو هالحالة يا ربي ....
عم نتفشش تفشيش ....
مرتي أم حسني قالت ....
قرفانة لا تسأل ليش ....
روح اشتغل شي شغلة ....
تانية تا نعرف نعيش ....
صرنا نشتهي ناكل ....
شي أكلة كبة أو شيش ....
ولا شي أكلة يبرق ....
ملفوفة بورق العريش ....
لكن ما معنا ناكل ....
حتى أكلة مناقيش ....
روح يلا جيب مصاري ....
وأبدا لا تقلي ما فيش ....
رحت لبرا وتمشيت ....
ونزلت دموعي وبكيت ....
ودورت على شي شغلة ....
تا إشتغل ما لقيت ....
ورجعت على هالبيت ....
قالت أم حسني جنيت ....
قلنا بدنا مصاري ....
تا نكفي مصروف البيت ....
بدنا ندفع للتلفون ....
الفواتير تراكمت ....
وبدناحق الكهربا ....
وشي علبة سمنة أو زيت ....
الحالة ما عادت تنطاق ....
وكل حياتي تعكرت ....
دبر حالك يا رجال ....
يا إما بترك هالبيت ....
قلتلا يا أم حسني ....
رحمي جوزك هالدرويش ....
حاج تسقي وتنقي ....
خلينا نعرف نعيش ....
من نقك انا رح جن ....
وإذا ما بتخفي رح طيش ....
ورح اشتغل حرامي ....
وشلح هالعالم تشليح ....
أم حسني قالت بالحال ....
كبر عقلك يا رجال ....
لا تشتغل حرامي ....
أنا بدي أكل حلال ....
قلتلا يا أم حسني ....
أنا وأنت ع الزمان ....
لا تزيديها على قلبي ....
وروحي إخزي هالشيطان ....
.........................
ملك الأصفر