انا ممكن اكون حبة احاسيس
و استنى فى حلمى كتير مايجيش
فاتعلق مرة بضحكة حلال
و اعمل جناحات و اتوهم ريش
واسافر جوا نهار مخنوق
و اصاحب ليلى ... فقلبى يعيش
و انا ممكن اكون باهرب من شئ
و اتدارى بعيد و اتمنى الاقيه
و اطول اوى و اسرح فى حاجات
و اختار يوم ضاع و احن اليه
و اكتب فى كلام ... و امسح و اعيد
و اتعمد الخبط فيه معانيه
انما فى غرامك ... انا مجنون
و جنونى بيوصف حالتى بجد
لا بخاف م اللوم و لا اصالح نوم
و لا باشكى مشاعرى فى سرى لحد
و باحاول قلبى يعيش فى براح
فاحبك حب يفوق الحد
ليست هناك تعليقات:
إرسال تعليق