¤<<{{هو..هي}}>>¤
هو:
وبحتاجلك وبشتاقلك
برغم عنادك الآسي
وبندهلك وتندهلك
مشاعر فاقت احساسي
وليه مش حاسه بدموعي
دانا جيتلك
وطالب ف الهوا رجوعي
وعمري ماكنت يوم ناسي
برغم عنادك الآسي
وهي:
انا محتاره مش عارفه
هوايا نفسه يرجعلك
ولكن من هواك خايفه
يسيبني اعاني من تاني
وترجع فيا احزاني
واستني واتمني
اشوفك لحظه قدامي
ولكن بردو مش شايفه
منا خايفه
احبك تاني بزيادة
وتبعد عني كالعاده
واندهلك ولا تسمع
واحتاجلك ولا ترجع
وترجع قهوتي ساده
وبزيادة
كفاك توهمني بدموعك
واصدق ف الهوا رجوعك
وترجع تاني تشقيني
وتجرحني ماتشفيني
وف الآخر عاوزني ارجع
وآآآمن تاني لخضوعك
ولدموعك..
هو :
م انا بردو ماليش غيرك
دانا طيرك
وحلق يوم بعيد عنك
لكنه لسه فيه منك
وراجعلك بيندهلك
يغرد تاني فوق عشك
ومستني قرار قلبك
وعارف ف الهوا ردك
قوليها ياعمري مشتاقلك..
هي :
باقولهالك
بحبك لو بعيد عني
واحبك لو قريب مني
ومهما البعد يقتلني
باعيشهالك..
بقلمي..
ليست هناك تعليقات:
إرسال تعليق