رمضان السنادى
------------------؛
رمضان السنادى
جه نور بلادى
بحمد ربنا
م الأمن ف لياليه
ومن اى كيد لاعادى
-----؛
الجيش المصرى
ده فخر بلادى
بيحمى أرضى
وعرض ولادى
قوته من نبض إيمانه
واسم مصر دائما عنوانه
وياما التاريخ قال عن امجادى
ويدعى المولى دايما يحميه
وينصر بلدى على اللى يعادى
-----؛
المصرى بتاريخه زمان
مؤمن وموحد بالديان
جامع وكنيسة
جرس وآذان
وأم تريزا
بتهادى فانوس
وتعلق زينة رمضان
قلبنا واحد
حبنا واحد
ومفيش فرق
بيننا وبين واحد
وبيجمعنا نشيد بلادى
يارب بارك شعبك واحميه
وسلمه من اللى بيأذيه
وباسم مصر أهتف وانادى
رمضان السنادى
---------؛
بقلم / عادل شعبان
ليست هناك تعليقات:
إرسال تعليق