لعبة الأيام
شعر / زينب سالم
لا الدموع هتعيد الماضي
و لا الحنين هيرجع سنين
يا زمن مر علينا فاضي
بكرة معاك ندم و حنين
يا اما جرح سبته راضي
يا اما فاتني الجرح حزين
يا خوفي من حاضر جواي
او من بكرة اللي جاي
و أمس ما كان برضاي
اتخلقنا نمشي خطوات
مشيناها و كتبت ورقات
بحسناتها او سيئات
هي دنيتنا كلها ذكريات
هنحزن على بكرة و ألا امبارح
و ألا نفوت كل ذكرى و نتصارح
دخلناها بنبكي و دموعنا غسلتنا
عشناها نشكي و رفعنا شكوتنا
لرب الكون وحده حزننا و فرحتنا
اضحك على روحك يا انسان
بتشكي لمين شكوى الحرمان
ما هو ربك اللي خلقك
لا هيفوتك و لا هيسيبك
لانه الخالق الواحد الديان
بقلمي : زينب سالم
خاطرة و دعاء عامية
ليست هناك تعليقات:
إرسال تعليق