حقك يا وطن
حقك عليا يا وطن
في قلبي ساكن طول الزمن
معاك بنشد قصيدة غناك
رافع رأسي في سماك
شوفت سحابه بيضاء مضللاك
معاك ما حسيت حزن وضياع
ومش خايف من اللى خان وباع
ولا خايف من نبح الكلاب
هاموت فيك وأندفن بالتراب
ولو هأعيش مش هأكون ضرير
شايف جوايا نور الضمير
وقلبي عليك دايمأ بصير
ناس تحبك ناس تخونك
وإحنا نموت علشان نصونك
واللى خانوا مصيرهم سجونك
ليك عندي حلم غالي
أسهر له طول الليالي
أشوفك وطني المثالي
ليه ولصحابي وأخواتي
بدعيلك من قلبي في صلاتي
ما أنت باقي جوه ذاتي
حبي ليك ملهوش حدود
زي نهر من غير سدود
شريان جوايا ممدود
زي دم يجري بالعروق
ومن غيرك أموت مخنوق
صدقوني لازم نفوق
بقلم حسام عماره
ليست هناك تعليقات:
إرسال تعليق