بياخدنى الحنين ليكى
أطير شادى..أغنيكى
و يملانى الجفا منك
أظلم روحى و ارضيكى
م انا منك..انا ابنك
و انا حضنك ..انا قلبك
انا نبتة اراضيكى
انا نيلك و برويكى
انا الريشه انا الرسام
و برج حمام حواريكى
و انا هرمك و انا ألمك
لو دب الألم فيكى
انا البنا بعلى اساس
و ارقيكى من عيون الناس
انا الشاعر انا الاحساس
فى كنيستك بقيم قداس
انا الدارس ..انا المدروس
انا اللى بحس بالمحسوس
انا التلميذ و انا الكراس
عينيكى السهرانين حراس
شايل فى ايدى سلاح
ليغر العدا بيكى
أنا المدنه بنادى فلاح
و اناجى المولى يحميكى
و انا المطحون و كلى جراح
وبخجل ابص فى عينيكى
لتحسى ان انا عايذ
و انا نفسى اللى اديكى
فداكى اغلى ماعندى
لو روحى يامصر تفديكى.
*******
(طه على الدين )
ليست هناك تعليقات:
إرسال تعليق