** انا ... انتى **
انا كل اللى ضاع منك
انا سنك
و انا الضحكة اللى نسياها
و انا الشمس اللى جواكى
بتهواكى
و لما تهل فى سماكى
باحسك و انتى نكراها
حبيبة بس بتخافى
و كاسرة تملى مجدافى
و انا ع الموجة و باعافر
و رامية الهلب شدانى
فبتعانى
و انا بحبك مانيش كافر
هاقولك كلمة وجعانى
بقالى كتير باخبيها
اكون ازاى انا فى قلبك
و كل مشاعرى تخونيها
و اكون ازاى انا انتى
و اصدق ضحكتك ليا
و امتى هاحسنى فيكى
و احسك فرحة ف عنيا
فهمى على
ليست هناك تعليقات:
إرسال تعليق