ليلة القدر . بفلم \ أحمد شاهين
ليلة القدر أهى عدِت
أهى ليله وإتعدِت
والعمر فيه كام ليله
فيه ناس قامت فيها
وفضلت تصليها
وشافتها حلوه جميله
وناس تايهه خالص
مش فارقه معاها خالص
وعايشه ع الرزيله
ليلة القدر أهى عدِت
إنسان يا إنسان
يا ساكن الأكوان
ما فيِكش إلا لسان
والأخره ناسيها
إرجع لرب كريم
بكل خلقه عليم
إرجع وقول يارحيم
وإيديك تعليها
ليلة القدر أهى عدِت
إدعيله . إدعيله
إشكيله وإحكيله
دايمآ تناديله
دا هو رب عظيم
وقوله يا الله
زادت ف قلبى الأه
بدلى موتى حياه
وخلى روحى تهيم
تغرق ف ملكوتك
ما سمعش غير صوتك
شكرآ على قوتك
وميتك دى نعيم
ليلة القدر أهى عدِت
أهى ليله وإتعدِت
والعمر
فيه
كام
ليله؟
كلمات \ أحمد شاهين
3 \ 7 \ 2016
ليست هناك تعليقات:
إرسال تعليق