تايه انا وسط اشجار الليل
والليل في ايامي دايما طويل
خطاويا لونها ساده..والضلمة جات بس جات بزيادة
ضلمة يتوه فيها النهار...وبياض القمر بقي سمار
كل ما أجي أولع شمعة واخدها من ايديها
تنزل من عيني دمعة تطفيها
مشيت في سكة صحرا نهارها مستخبي
بس خايف الليل قوام يعدي
وتصحي الشمس بدري وتمر
وتوقني طعم الصبر
والصبر في جوف الصحرا مر
ومشيت المرة دي علي ايد جنة احزانها فرحة
ورودها لبست الشمس طرحة
مسكت ايد الفرح ومشينا سوا
وفي نص السكة ما كملنا السكة
مشي وحده وساب ايديا
واتاري الخريف كان مداري ورا الربيع ال في عينيا
واشهد عليك يا هوا...انك عديت من سنة
ولا هان عليك تسيب لي تمن الدوا
والشجرة الخضرا رماها الريح حرقها الشمع
وعيون الفرحة توهها الليل عماها الدمع
كنت فاكر ان المياه بتحي كل زرعة حزينة
وان الناي الحزين يقدر يقول حكاوي الفرح
مع ان الفرح مش لينا
وان الندي القليل يقدر يروي الشجر الطويل
ليست هناك تعليقات:
إرسال تعليق