- ،،،ليل من شعر،،
- شعرك الحلو دخيلك لا تقصيه
- مقصك اوعي صوبو تقربيه
- شعرك كتاب مليان قوافي
- وايديي تلاميذ عم يتعلمو فيه
- اتركي هالليل بصفحتو غافي
- شالح على جبينك شالو يناغيه
- ويحاكي نجمتين فيهن بحر صافي
- وشو متمني انو يسبح قلبي فيه
- ما بعتقد هالوصف وحدو كافي
- لأني فهمان موجاتو ومعانيه
- كرمال هيك انا رميت مجذافي
- وقربت منو حتى روحي اهديه
- اتركيني داعب شعراتك بلطافي
- ضمو بين ايديي وعلى زنودي غفيه
- وازرع حروفو ورد على شفافي
- وكل ما تحرك من حناني ارويه،،علي ناصر،،،
الجمعة، 12 أغسطس 2016
،،،ليل من شعر،،علي ناصر،،،
الاشتراك في:
تعليقات الرسالة (Atom)
ليست هناك تعليقات:
إرسال تعليق